Aufgenommen live in der Museumsscheune in Uetersen im Dezemer 2006 |
|
1. Open Dören
|
|
Open DörenText: Johanna Kastendieck / Musik: Jörn P. Schröder
Wi maken op uns‘ Döör‘n,
För grote Lüüd un Göörn.
En Zedel hangt dörvör -
Ji Lüüd, kaamt doch all her
Refrain:
Wi laadt jo all hüüt in,
Mit uns hier to ween.
Wi fiern nich alleen,
Wi laadt jo all hüüt in,
Mit uns hier to ween.
Wi fiern nich alleen,
Kaamt eenfach to uns rin.
Wi fiern hüüt Advent,
An’t Kranz een Licht al brennt.
Wi frei’n uns op den Schien,
Wöllt mit jo fröhlich sien.
Tosamen is dat schöön,
In’n Lichterglanz to sehn.
Kaamt her un maakt all mit
Un singt mit uns een Leed.
Seitenanfang
Dat sniet
Text: Johanna Kastendieck / Musik: Jörn P. Schröder
De Regendrüppen wull’n eenmal
Alleen dal na de Eer.
Doch Mudder Wulk dach so bi sik,
Wenn’t nich so kold hüüt weer.
Refrain
Denn dat sniet, dat sniet
Nu is dat so wiet
Nu is dat so wiet, dat sniet.
Na goot, sä se, ji könnt dal gahn,
Doch eens beed ik mi ut,
Ji treckt de warmen Jacken an,
Sünst laat ik ju nich rut.
Refrain
Wiel dat sniet, dat sniet
Nu is dat so wiet
Nu is dat so wiet, dat sniet.
Dor güng’n de Drüppen un hol’n fix
Ehr lütten Jacken her
Ut witte Sneepelz, week un warm
Un flög’n dal to Eer.
Refrain
Denn dat sniet, dat sniet
Nu is dat so wiet
Nu is dat so wiet, dat sniet.
Juche, nu güng de Reis‘ wull los,
De Wind dreev se so wiet.
De Kinner op de Eer de schrie’n
„Hurra, hurra, dat sniet!“
Refrain
Ja, dat sniet, dat sniet
Nu is dat so wiet
Nu is dat so wiet, dat sniet.
Seitenanfang
Fru Holle
Text: Johanna Kastendieck / Musik: Gert Drögemüller
Fru Holle, Fru Holle,
Kloppt as dull ehr Bedden ut,
Fallt witte weeke Snee herut,
So veel Flocken ohne Tall,
So veel Flocken op eenmal
Schüddelt se herut.
Se danz’n över’n Heben
Se wüllt wat beleben
Un danzen hen un her
Fall’n links und fall’n rechts
Op Land, Feld un Weg
Bedecken de ganze Eer.
Refrain
Snee vun’n Heben
Schall dat geven.
All de Kinner töven,
Snee schall‘t geven
Wenn’t geiht noch hüüt,
Snee för groot un lütt!
Fru Holle, Fru Holle,
Kiekt nieschierig vör de Döör,
Süht de Welt so witt dorvör.
Süht Kinner de sick freih’n
Sick in’n Flockendanz dreih’n,
As Feddern week un witt.
Se danz’n över’n Heben
Se wüllt wat beleben
Un danzen hen un her
Fall’n links und fall’n rechts
Op Land, Feld un Weg
Bedecken de ganze Eer.
Refrain
Fru Holle, Fru Holle,
Schüddelt ut een Deek so witt
Dusend Flocken week un lütt,
Fallen liesen op uns Eer
Un dat warrn noch jümmer mehr
Dat höört gor nich mehr op!
Se danz’n över’n Heben
Se wüllt wat beleben
Un danzen hen un her
Fall’n links und fall’n rechts
Op Land, Feld un Weg
Bedecken de ganze Eer.
Refrain
Seitenanfang
Geschenke
Text: Johanna Kastendieck / Musik: Jörn P. Schröder
Ik much so geern mal Niklaas ween
un much jeedeen wat schenken.
Wat heel Besünners mutt dat ween,
ik warr mi wat utdenken.
Refrain
Geev di keen Möög, kannst mi nich sehn,
Niklaas is liekers bi di ween,
He bröch so liesen as en Muus
Een Sack vull Freid’ bi di in’t Huus.
För di heff ik fief lütte Steerns,
Twee Harten ut Papeer.
Lüchten un funkeln as Lateerns
mit Licht ut wiede Feern.
Refrain
Ik bring för di en Lachen mit
un ok een Dag vull Tiet.
Een ganzen Barg vun leve Wöör
legg ik för diene Döör.
Refrain
Ik bring twee Arms to’n kuscheln mit
De bring’n di Warms un Freden.
Wenn ik mit di an’t Füer sitt,
Is dat en Tiet to’n beden.
Refrain
Seitenanfang
Dannenboom - Lichterdroom
Text: Johanna Kastendieck / Musik: Jörn P. Schröder
Refrain
Dannenboom, Lichterdroom
Lichter strahlend hell
Steiht he dor
Johr üm Johr
An de lieke Stell.
Den Dannenboom vun’n Wiehnachtsmarkt
Kannst du nich översehn.
He is so rank, he is so slank
Keeneen kann schöner ween.
Refrain
De Dannenboom vun’n Wiehnachtsmarkt
Hett düsse Dag sien Tiet,
Denn he vertellt, dat‘t Wiehnacht warrt,
De Dag is nich mehr wiet.
Refrain
De Dannenboom vun’n Wiehnachtsmarkt
Strahlt ok för di un mi,
He nimmt uns mit op siene Reis
In’t Land vull Fantasie.
Refrain
Seitenanfang
Adventskranz-Lichtertiet
Text: Johanna Kastendieck / Musik: Jörn P. Schröder
Refrain
Wenn dat buten fröher düüster warrt,
Denn is dat bald sowiet,
Denn kümmt se, de wunnerbore,
geheemnisvull un doch so klore
Adventskranzlichtertiet, Adventskranzlichtertiet.
Gröön de Kranz un rot de Lichter,
Fröhliche Kinnergesichter,
Wenn dat eerste Licht brennt
In'n Advent-.
Tweedüster un Lichterschimmer,
Een Droom sweevt liesen dör dat Zimmer,
Wenn dat tweete Licht brennt - in’n Advent.
Refrain
Düüster Tiet un heemlich Freide,
Een Geheemnis hebbt wi beide,
Wenn dat drütte Licht brennt
- in'n Advent.
Bridge
Disse Weken in’n Dezember
Sünd de schönste Tiet.
Kinner freien sik op Wiehnacht
,
Bald is dat sowiet, bald is dat sowiet.
Refrain
Koolt de Dag un Glocken klingen,
Buten hört man Kinner singen,
Wenn dat veerte Licht brennt - in’n Advent
Refrain
Seitenanfang
En lange Winter
Text: Johanna Kastendieck / Musik: Jörn P. Schröder
Is so koolt de Winter, wenn dat freert un sniet
Keen Sünn is to sehen, düster wiet un siet.
Un wi fragen bang,
Duert denn de Winter noch so bannig lang
Duert denn de Winter noch so bannig lang
Düster is de Winter un wiel dat keen een mag
Töövt wi ungedüürig op den hellen Dag
Un wi fragen bang,
Duert denn de Winter noch so bannig lang
Duert denn de Winter noch so bannig lang
Laat den Noordwind brusen un de Iesblomen bleuh’n
Wi wüllt uns tosamen op den Sommer freu’n.
Un wi fragen bang,
Duert denn de Winter noch so bannig lang
Duert denn de Winter noch so bannig lang
Doch de kole Winter mutt eenmal vergahn
Un denn warrt de Sünn werr baben an’n Heben stahn.
Denn is keeneen bang
Bet to’n nächsten Sommer duert’ nich lang.
Bet to’n nächsten Sommer duert’ nich lang.......
Seitenanfang
De Wiehnachtsgoos
Text: Gert Drögemüller, Johanna Kastendieck / Musik: Gert Drögemüller
Dor weer eenmal een Goos,
de leev so heel famos,
mit anner Göös bi uns op’n Hoff
to’n Freten harrn se genoog,
se dacht’n so’n Leven duert lang,
dor harrn se gor keen Bang,
dor harrn se gor keen Bang.
Uns‘ Goos Franz weer noch jung,
knackfrisch un ungebunn‘n
se weer’n to teihnt in’n Gööstrupp
he harr dat Leit in ehre Grupp‘
un dach so’n Leven duert lang,
dor harr he gor keen Bang,
dor harr he gor keen Bang.
Doch eenes Dags, kiek an,
dor reep de Navers Hahn,
Franz pass op, sünst is ut dien Droom,
se bruukt en Braden ünnern Wiehnachtsboom
un dat schasst du woll ween,
pass op, op diene Been,
pass op, op diene Been.
'n Dag later is’t sowiet,
is höchste Wiehnachtstiet,
bi uns to Huus is dat so Bruuk,
wi slaat mit Göösbrad’n uns vull den Buuk,
ik dach‘, mien leeve Franz,
dat weer dien letzte Danz,
dat weer dien letzte Danz.
Seitenanfang
De Wiehnachtsmann slöppt
Text: Johanna Kastendieck / Musik: Jörn P. Schröder
Refrain
De Wiehnachtsmann, de slöppt un slöppt
Un Rudl Rentier röppt un röppt.
He kriggt de Wiehnachtsmann nich waak,
De in sien warme Feddern snorkt.
He kriggt de Wiehnachtsmann nich waak,
De in sien warme Feddern snorkt.
Vun Urlaub dröömt de Wiehnachtsmann,
Liggt in de warme Sünn.
Ünner Palmen op Mallorca
Dröömt he Stünn üm Stünn.
He liggt dor in sien Badebüx
In’n witten, weeken Sand.
Dat Water spöölt em üm de Fööt,
He hett en Sünnenbrand.
Refrain
Un so geiht Rudl sülvst to Wark
Un klütert Nacht un Dag.
De Derten helpen em dorbi
So goot dat jedeen mag.
Un dit Johr gifft dat keen PC,
Dorop is Rudl stolt.
Wat he tosamenklütert het,
Is Speeltüüch heel ut Holt.
Refrain
Ok wenn he nu glieks opstahn deit,
Denn blifft em nich veel Tiet.
An’n Kranz brennt al dat veerte Licht
Un Wiehnacht is nich wiet.
So mutt he we’rr de Tiet anholln
Um allens to verdeelen
Un susen as een ölten Blitz
Em warrt doch wohl nix fehlen?
Refrain
Seitenanfang
Wiehnachtswunner
Text: Johanna Kastendieck / Musik: Jörn P. Schröder
Du liggst in mien Arms un ik kann dat nich glööven
Du keemst to mi as een lütt Wunner vun Heben.
So lang heff ik töövt, doch nu büst Du dor.
So lütt un so Sööt un mit een Barg swatte Hoor.
Refrain
Mehr as tweedusend Johren is dat nu her
Dor geev dat een Fru, bi de dat nich anners weer.
Ok se kunn dat lütt Wunner meist nich faten,
Doch müss ehr Söhn för uns all sein Leven laten.
Refrain
Ok ik weet nich, wohen dat Leven di mal föhrt;
Wat di in dien Leven noch allens geböört.
Refrain
Doch gifft dat dor een, de sien Hannen över di hölt
So as vör lange Tiet, as sein Söhn keem op de Welt.
Refrain
Seitenanfang